hamare darmiyan aisa koi rishta nahin tha
tere shanon pe koi chat nahin thi
mere zimme koi angan nahin tha
koi wada teri zanjir-e-pa banane nahin paya
Hamare darmiyan aisa koi rishta nahin tha
kisi iqrar ne meri kalai ko nahin thama
hawa-e-dasht ki manin
dtu azad tha
raste teri marzi k tabe the
mujhe bhi apni tanhai pe
dekha jaye to
pura tasarruf tha
magar jab aj tu ne
rasta badla
to kuch aisa laga mujh ko
keh jaise tu ne mujh se bewafai ki
No comments:
Post a Comment